प्रतिनिधी | सावदा

सावदा शहरातील आणि परिसरातील हॉटेल व ढाब्यांवर सर्रास अवैध दारू विक्री होत असल्याची धक्कादायक बाब समोर आली आहे. मात्र यावर प्रशासन व उत्पादन शुल्क विभागाकडून कोणतीही कारवाई होत नसल्याने, परिसरातील नागरिकांकडून संतप्त भावना व्यक्त होत आहेत.

याबाबत मिळालेल्या माहितीनुसार, काही हॉटेल आणि ढाबा चालक परवान्याशिवाय मद्यविक्री करत आहेत. हे कायद्याचे उल्लंघन तर आहेच पण शहरातील शांतता आणि सुव्यवस्थेलाही धोका निर्माण करणारे ठरत आहे. या अवैध धंद्याची माहिती मिळताच प्रशासन आणि उत्पादन शुल्क विभागाकडून कारवाई करण्याची मागणी शहरवासियांकडून होऊ लागली आहे.

विशेष म्हणजे स्थानिक नागरिक आणि जागरूक लोकांनी ही बाब गांभीर्याने घेत प्रशासनाला कळवण्यास सुरुवात केली आहे. यावर उत्पादन शुल्क विभाग लवकरच कठोर कारवाई करण्याच्या तयारीत असून, अवैध दारूविक्री रोखण्यासाठी छापे व तपास मोहीम राबविण्याचे संकेत विभागाच्या अधिकाऱ्यांनी दिले आहेत. दोषींवर कडक कायदेशीर कारवाई केली जाईल, जेणेकरून भविष्यात अशा प्रकारांना आळा बसेल.

प्रशासनाने ही समस्या लवकर सोडवल्यास सावदा शहरातील कायदा व सुव्यवस्था तर मजबूत होईलच, शिवाय तरुणांना चुकीच्या मार्गावर जाण्यापासून वाचण्यास मदत होईल, असे स्थानिक नागरिकांचे म्हणणे आहे. येत्या काही दिवसांत या अवैध धंद्याला पूर्णपणे आळा बसेल आणि शहरात शांततेचे वातावरण राहील, असा आशावाद सावदा शहरातील नागरिकांना आहे.

या बातमीचे प्रायोजक आहे.

जिल्ह्यातील सर्वात स्वस्त आणि अतिशय स्वच्छ तथा सर्व सोयींनी सुसज्य