जळगावात रुळावर रील्स बनवताना 2 अल्पवयीन मुले रेल्वेच्या धडकेत ठार :धरणगाव तालुक्यातील घटना, अहमदाबाद-हावडा एक्स्प्रेसने चिरडले.

जाहिरात : राधाकृष्ण संकुल, रावेर रोड सावदा (https://youtu.be/Ngpky2CVTWM) - जाहिरात पाहण्यासाठी यावर क्लिक करा.

खान्देश दर्पण 24x7 वृत्तसेवा -

धावत्या रेल्वेसमाेर माेबाइलवर रील्स बनवणे दोन अल्पवयीनांच्या जिवावर बेतले. पाळधी-चांदसर (ता. धरणगाव, जि. जळगाव) रेल्वे गेटजवळ रविवारी सकाळी १०.१५ वाजता ही दुर्दैवी घटना घडली. प्रशांत पवन खैरनार (१५) व हर्षवर्धन महेंद्र नन्नवरे (१६, दाेन्ही रा. महात्मा फुलेनगर, प्लाट भाग, पाळधी, ता. धरणगाव) अशी मृतांची नावे आहेत. ते नात्याने चुलत मामा-भाचे हाेते.

जाहिरात : साई डेअरी आणि कोल्ड्रिंक्स (https://youtu.be/EWXxirDpWgQ) - जाहिरात पाहण्यासाठी यावर क्लिक करा.

प्रशांत मूळचा मालेगाव येथील असून त्याच्या वडिलांनी पाच-सहा वर्षांपूर्वी आत्महत्या केली होती. यानंतर प्रशांत आई, माेठा भाऊ, २ बहिणींसह पाळधीत राहण्यास आला हाेता. ताे पाळधीतील हायस्कूलमध्ये चुलत मामा हर्षवर्धन नन्नवरेसाेबत शिक्षण घेत हाेता. दाेघांमध्ये घट्ट मैत्री हाेती. रविवारी दाेघे रेल्वे रुळावर रील्स बनवत असताना धरणगावकडून येणाऱ्या अहमदाबाद-हावडा (क्र. १२८३३) एक्स्प्रेसखाली चिरडले गेले. लाेकाेपायलटने घटनेबाबत रेल्वेस्थानकाला माहिती दिली.

यादरम्यान रेल्वेगाडी अर्धा ते पाऊण तास घटनास्थळापासून काही अंतरावर थांबून हाेती. रविवारी सकाळी ९ वाजता रुळावर रील्स बनवणाऱ्या अन्य २ तरुणांना हाकलून लावले हाेते, अशी माहिती गँगमन अमरदीप यांनी दिव्य मराठीला दिली.

जाहिरात : प्रियंका इलेक्ट्रॉनिक्स आणि फर्निचर, दुर्गामाता चौक, सावदा (https://youtu.be/Vx4iGbBdZ2s) - जाहिरात पाहण्यासाठी यावर क्लिक करा.

बातमीतून धडा

धाेकादायक ठिकाणी रील बनवण्यांचे मुलांत फॅड वाढले आहे. त्यातून अनेक अनुचित घटना घडतात. पालकांनी धाेकादायक ठिकाणी न जाण्याबाबत पाल्यांना समज द्यावी.

या बातमीचे प्रायोजक आहे.