प्रतिनिधी : राजेश चौधरी | प्रदीप कुळकर्णी

येथील धनाजी नाना महाविद्यालयातील शारीरिक शिक्षण संचालक प्रा. डॉ. गोविंद सदाशिवराव मारतळे यांना सन २०२३-२४ मध्ये क्रीडा क्षेत्रातील उत्कृष्ट कार्य केल्याबद्दल विद्यापीठ इतिहासातील पहिलाच 'उत्कृष्ट शारीरिक शिक्षण संचालक पुरस्कार' जाहीर होवून प्रदान करण्यात आला.

मुंबई विद्यापीठाचे कुलगुरु प्रा. कुलकर्णी व कवयित्री बहिणाबाई चौधरी उत्तर महाराष्ट्र विद्यापीठाचे कुलगुरु प्रा. व्ही. एल. माहेश्वरी यांच्या हस्ते मान्यवरांच्या उपस्थितीत प्रा. गोविंद मारतळे व त्यांच्या सौभाग्यवती सुशीला मारतळे यांना दि. १८ ऑगस्ट २०२५ रोजी विद्यापीठात सन्मानपूर्वक सन्मानचिन्ह व प्रशस्तीपत्र देऊन गौरव करण्यात आला.

प्रा. गोविंद मारतळे यांच्या अथक प्रयत्नामुळे महाविद्यालयीन व विद्यापीठ क्षेत्रातील खेळाडूंनी विविध खेळामध्ये उत्कृष्ट मार्गदर्शनामुळे महाविद्यालयाचे, विद्यापीठाचे नावलौकिक देशभरात निर्माण केले आहे. प्रा. गोविंद मारतळे यांना मिळालेल्या पुरस्कारांमुळे त्यांचे सर्वत्र अभिनंदन होत आहे.

मधुस्नेह परिवाराचे कुटुंब प्रमुख व तापी परिसर विद्या मंडळ संस्थेचे अध्यक्ष शिरीष मधुकरराव चौधरी, उपाध्यक्ष- डाॅ. एस. के. चौधरी, सदस्य- मा. प्राचार्य डाॅ. एस. एस. पाटील, संजय चौधरी व संपूर्ण संचालक मंडळातील सदस्य, महाविद्यालयाचे प्राचार्य डाॅ. आर. बी. वाघुळद, सर्व शिक्षक, मित्रपरिवार, शिक्षकेत्तर कर्मचारीवर्ग व सदैव मित्रा प्रमाणे राहणारे सर्व खेळाडू यांनी प्रा. गोविंद सदाशिवराव मारतळे यांचे अभिनंदन केले.

प्रा. गोविंद मारतळे यांना मिळालेल्या पुरस्काराबद्दल त्यांनी विद्यापीठाचे सन्मानीय कुलगुरु व प्रशासनासह तापी परिसर विद्यामंडळाचे अध्यक्ष व संपुर्ण संचालक मंडळाचे आणि सहकारी प्राध्यापक व प्राध्यापिकेतर कर्मचारी, मित्र, परिवारातील सदस्य यांचे आभार व्यक्त केले.

या बातमीचे प्रायोजक आहे.