प्रतिनिधी : राहुल चौधरी | प्रदीप कुळकर्णी

पिंपरुड ता. यावल येथील मातोश्री फाउंडेशन तर्फे दहा वर्षापासून दरवर्षी विविध सामाजिक उपक्रम राबवण्यात येतात. यावर्षी सुद्धा फाउंडेशन तर्फे पिंपरूड परिसरातील माध्यमिक व उच्च माध्यमिक विद्यालयातील फेब्रुवारी व मार्च २०२५ दरम्यान घेण्यात आलेल्या माध्यमिक शालांत प्रमाणपत्र परीक्षा (१० वी) व उच्च माध्यमिक शालांत प्रमाणपत्र परीक्षा (१२ वी) परीक्षेत शाळेनिहाय प्रथम क्रमांक आलेल्या गुणवंत विद्यार्थ्यांचा सत्कार फैजपूर येथे स्वामी समर्थ मंगल कार्यालयात घेण्यात आला.

प्रसंगी प्रमुख पाहुणे जळगाव जिल्हा माध्यमिक शिक्षक पतपेढी चे अध्यक्ष एस. डी. भिरूड व कुसुमताई चौधरी विद्यालय फैजपूर चे मुख्याध्यापक एस. जे. तळले तथा दै. दिव्य मराठी वृत्तपत्राचे प्रतिनिधी व ज्येष्ठ शिक्षक संदीप चौधरी यांच्या हस्ते पुरस्काराचे वितरण करण्यात आले.

कार्यक्रमाचे प्रास्ताविक मातोश्री फाउंडेशन चे अध्यक्ष जनार्दन जंगले यांनी केले तर एस. डी. भिरूड यांनी विद्यार्थ्यांनी "आता मिळालेल्या यशामुळे मोहून न जाता भविष्यात येणाऱ्या आव्हानांना स्वीकारा" असे मार्गदर्शन केले. त्याचबरोबर कुसुमताई चौधरी विद्यालय फैजपुर चे मुख्याध्यापक तथा भारत विद्यालय न्हावी चे मुख्याध्यापक यांनी सर्व विद्यार्थ्यांचे मन:पूर्वक अभिनंदन करून "आता तुमच्यासमोर करीयरच्या अनेक संधी आहेत योग्य मार्गदर्शन आणि कठोर परिश्रमाने तुम्ही तुमचे ध्येय नक्कीच गाठू शकता, तुमच्या आवडीचे आणि क्षमतांचे योग्य आकलन करा, तज्ञांकडून मार्गदर्शन घ्या" असे मोलाचे मार्गदर्शन केले.

यावेळी सर्व परिसरातील शाळांचे मुख्याध्यापक, शिक्षक, विद्यार्थी, पालक, मान्यवर उपस्थित होते, कार्यक्रमाचे संचालन वैशाली चौधरी यांनी तर आभार प्रदर्शन व्ही. ओ. चौधरी यांनी केले. कार्यक्रम यशस्वीतेसाठी मातोश्री फाउंडेशनचे उपाध्यक्ष चंद्रकांत जंगले, बाळकृष्ण खडसे, डॉ. भूषण जंगले, शालिनी चौधरी, मधुबाला जंगले, शिरीष टोके, युवराज लोधी, यशवंत वारके यांनी प्रयत्न केले.

या बातमीचे प्रायोजक आहे.